ໃນວັນທີ 20 ມັງກອນ 2023, ລັດຖະບານຍີ່ປຸ່ນ ໄດ້ມອບຫລຽນກຽດຕິຄຸນອາທິດອຸໄທ ຊັ້ນ 1 ເຊິ່ງເປັນລາງວັນກຽດຕິຍົດສູງສຸດ ຂອງພົນລະເຮືອນຍີ່ປຸ່ນ ໃຫ້ ທ່ານ ນາງ ປານີ ຢາທໍ່ຕູ້ ຮອງປະທານປະເທດ ແຫ່ງ ສປປ ລາວ ໂດຍໄດ້ຈັດພິທີມອບຫລຽນກຽດຕິຄຸນດັ່ງກ່າວຢ່າງເປັນທາງການ ເຊິ່ງຕາງໜ້າໃຫ້ລັດຖະບານຍີ່ປຸ່ນ ມອບໂດຍ ທ່ານ ໂຄບະຢະຊິ ເຄນອິຈິ ເອກອັກຄະຣາຊະທູດຍີ່ປຸ່ນ ປະຈຳ ສປປ ລາວ.

ໃນພິທີ ທ່ານ ໂຄບະຢະຊິ ເຄນອິຈິ ໄດ້ສະແດງຄວາມຍິນດີ ຕໍ່ທ່ານ ນາງ ປານີ ຢາທໍ່ຕູ້ ແລະ ສະແດງຄວາມຂອບໃຈ ຕໍ່ກັບການປະກອບສ່ວນຢ່າງພົ້ນເດັ່ນ ໃນການຊຸກຍູ້, ເສີມຂະຫຍາຍສາຍພົວພັນສອງຝ່າຍ ແລະ ສົ່ງເສີມມິດຕະພາບລະຫວ່າງ ຍີ່ປຸ່ນ ແລະ ສປປ ລາວຕະຫລອດມາ.
https://doodido.com/%e0%ba%ae%e0%ba%ad%e0%ba%87%e0%ba%9b%e0%ba%b0%e0%ba%97%e0%ba%b2%e0%ba%99%e0%ba%9b%e0%ba%b0%e0%bb%80%e0%ba%97%e0%ba%94%e0%bb%84%e0%ba%94%e0%bb%89%e0%ba%ae%e0%ba%b1%e0%ba%9a%e0%ba%ab%e0%ba%bc/